በቀለ ፡ ደሞሙ ፡ ለአግብርቲከ ፡ ዘተክዕወ

ኣምላኽ ኣብ ሕቕፎ ኣብርሃም:ይስሐቅ:ወያዕቆብ:ይቀበልኩም፣
መንግስተ ሰማያት የዋርስኩም፣
ንኹሉ ህዝቢ ብፍላይ ንስደራቤት መወትትቲ(ሰማእታት)ጽንዓት ይሃብ፣

ወሥጋሆሙኒ ፡ ለጻድቃኒከ ፡ ለአረዊተ ፡ ገዳም ።
ከዐዉ ፡ ደሞሙ ፡ ከመ ፡ ማይ ፡ ዐውዳ ፡ ለኢየሩሳሌም ፤
ወኀጥኡ ፡ ዘይቀብሮሙ ።
    ወኮነ ፡ ጽእለተ ፡ ለጎርነ ፤
ሣሕቀ ፡ ወስላቀ ፡ ለአድያሚነ ።
እስከ ፡ ማእዜኑ ፡ እግዚኦ ፡ ትትመዓዕ ፡ ለዝሉፉ ፤
ወይነድድ ፡ ከመ ፡ እሳት ፡ ቅንአትከ ።
ከዐው ፡ መዐተከ ፡ ላዕለ ፡ አሕዛብ ፡ እለ ፡ ኢያአምሩከ ፤
ወላዕለ ፡ መንግሥት ፡ እንተ ፡ ኢጸውዐት ፡ ስመከ ።
እስመ ፡ በልዕዎ ፡ ለያዕቆብ ፤ ወአማሰኑ ፡ ብሔሮ ።
   ኢትዝክር ፡ ለነ ፡ አበሳነ ፡ ዘትካት ፤
ፍጡነ ፡ ይርከበነ ፡ ሣህልከ ፡ እግዚኦ ፤
እስመ ፡ ተመንደብነ ፡ ፈድፋደ ።
ርድአነ ፡ አምላክነ ፡ ወመድኀኒነ ፡ በእንተ ፡ ስብሐተ ፡ ስምከ ፤
እግዚኦ ፡ ባልሐነ ፡ ወስረይ ፡ ኀጢአተነ ፡ በእንተ ፡ ስምከ ።
ከመ ፡ ኢይበሉነ ፡ አሕዛብ ፡ አይቴ ፡ ውእቱ ፡ አምላኮሙ ።
ወይርአዩ ፡ አሕዛብ ፡ በቅድመ ፡ አዕይንቲነ ፣




   በቀለ ፡ ደሞሙ ፡ ለአግብርቲከ ፡ ዘተክዕወ ።
ይባእ ፡ ቅድሜከ ፡ ገዐሮሙ ፡ ለሙቁሓን ፤
ወበከመ ፡ ዕበየ ፡ መዝራዕትከ ፡ ተሣሀሎሙ ፡ ለደቂቀ ፡ ቅቱላን ።
ፍድዮሙ ፡ ለጎርነ ፡ ምስብዒተ ፡ ውስተ ፡ ሕፅኖሙ ፤
ትዕይርቶሙ ፡ ዘተዐየሩከ ፡ እግዚኦ ።
ወንሕነሰ ፡ ሕዝብከ ፡ ወአባግዐ ፡ መርዔትከ ፡ ንገኒ ፡ ለከ ፡ ለዓለም ።
ወንነግር ፡ ስብሐቲከ ፡ ለትውልደ ፡ ትውልድ ።
 ስብሐት ለአብ ወወልድ ወመንፈስ ቅዱስ
ለዓለም ወለዓለመ ዓለም አሜን።